Mamlakatimizning birinchi raqamli tennischisi Sabina Sharipova Avstraliyada “Katta dubulg‘a” turkumiga kiruvchi “Australian Open – 2018” turnirining saralash bahslarida mag‘lubiyatga uchradi.
Sabina Sharipova asosiy to‘r bahslariga chiqish uchun o‘tkazilgan saralash o‘yinlarining birinchi bosqichida rossiyalik Yevgeniya Rodinaga 6:3, 6:4 hisobida imkoniyatni boy berdi.
Shuningdek, yana bir umidli tennischimiz Nigina Abduraimova Xalqaro tennis federatsiyasi tomonidan AQSHning Florida shtatida tashkil etilgan musobaqaning asosiy to‘r bahslarida ishtirok etib, ilk uchrashuvda norvegiyalik Ulrikke Elkeriga 6:3, 6:1 hisobida mag‘lub bo‘ldi.
Endi Nigina Abduraimova juftlik bahslarida Xitoy Taypeyi vakilasi Chin-Ven Xsu bilan Ulrikke Eykeri va belaruslik Ilona Eduardovna Kremen tandemiga qarshi kortga chiqadi.
