Buxoroda havo harorati ancha salqin bo‘lishiga qaramasdan shahar sayyohlar bilan gavjum. Xususan, “Avrud Travel” sayyohlik kompaniyasi tomonidan shu kunlarda Braziliya, Meksika, Turkiya, Italiya, Fransiya va boshqa davlatlardan 100 dan ziyod sayyohlarning Buxoro bo‘ylab sayohati amalga oshirilmoqda.
Sayohat davomida mehmonlar Buxoroning tarixiy markazidagi turizm namoyish ob’ektlari Labi Hovuz ansambli, savdo toqlari, Poyi Kalon majmuasi, Ark qo‘rg‘oni, Chor Minor madrasasi hamda qator tarixiy qadamjolarda bo‘ldi.
– Azim Buxoroda go‘yo vaqt to‘xtab qolgandek va har qadamda tarix isi ufurib turadi, – dedi sayyohlardan biri. – Bu yerning o‘ziga xos iqlimi, boy madaniy merosi, xalqingizning urf-odatlari va milliy oshxonasini ta’riflashga so‘z ojiz. Men o‘ylaymanki, barcha turdagi sayyohlar shahringizni sevib qoladi.
Joriy yilda Buxoro viloyatiga 2 million 200 ming nafar xorijiy turistlar tashrifini ta’minlash bo‘yicha reja qilingan. Buning natijasida turizm xizmatlari eksporti 600 million AQSH dollariga yetkaziladi.
O‘zA
