Ijtimoiy tarmoqlarda “O`ZBEKISTON RESPUBLIKASI ICHKI ISHLAR VAZIRLIGI OGOHLANTIRADI!” sarlavhasi bilan tarqatilayotgan e’lon ko‘rinishidagi, bir qancha imlo xatoliklarga ega matn O‘zbekiston Respublikasi Ichki ishlar vazirligi tomonidan tayyorlanmagan.
O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, vazirlik tomonidan soxta matnni tarqatayotgan shaxslarni aniqlash yuzasidan o‘tkazilgan tezkor tadbir natijasida matnni tayyorlagan va tarqatgan shaxs xorijdan turib, ijtimoiy tarmoqlarga joylashtirgani aniqlandi.
Hozirgi kunda soxta matnlarni tarqatish bilan shug‘ullanayotgan boshqa ijtimoiy manbalar ham o‘rganilmoqda.
