Payshanba kuni Qozog‘istonning Oqto‘ba viloyatida avtobusda chiqqan yong‘in oqibatida halok bo‘lganlarning jasadlarini o‘rgangan oqto‘balik shifokorlar ularni termik kuyish tufayli qurbon bo‘lgan degan xulosaga keldi. Bu haqda “Kazinform” axborot agentligi xabar qildi.
“Biz kechasi bilan ishladik, o‘limga olib kelgan sabablarni aniqlash maqsadida jasadlar autopsiyasini o‘tkazdik. Patalogoanatomik o‘rganishlar odamlar bo‘g‘ilishdan emas, termik kuyishdan halok bo‘lganini ko‘rsatdi”, degan sog‘liqni saqlash boshqarmasi boshlig‘i Aset Kaliyev.
