Navro‘z umumxalq bayrami arafasida Andijon shahrida savdo yarmarkalari tashkil etildi.
Shahar mahallalarida ish boshlagan oziq-ovqat va qishloq xo‘jaligi mahsulotlari yarmarkalaridan “Andijongo‘shtsutsavdo”, “Andijonbaliq”, “Elga xizmat” mas’uliyati cheklangan jamiyatlari, viloyatdagi agrofirmalar, parrandachilik korxonalari va savdo tashkilotlarining, shuningdek, fermer xo‘jaliklari hamda dehqonlar tomonidan yetishtirilgan meva-sabzavot, oziq-ovqat va poliz mahsulotlari o‘rin olgan.
Xalqimiz uchun mehr-oqibat, ezgulik timsoliga aylangan Navro‘z umumxalq bayrami munosabati bilan tashkil etilgan mazkur savdo yarmarkalari yurtimizda inson omiliga bo‘lgan e’tibor va g‘amxo‘rlikning yorqin namunasi, qolaversa, aholi turmush farovonligini oshirishga, xalqimiz dasturxoni to‘kinligini ta’minlashga xizmat qiladi.
Bu kabi savdo yarmarkalari viloyatning barcha tuman va shaharlari markazlarida ham tashkil etildi.
