Dipanjan Roy Chaudxuri. Hindistonning «The Economic Times» gazetasi bosh muharir o‘rinbosari: Men O‘zbekistonga birinchi marta olti oy avval sayyohlik yo‘nalishida oilam bilan kelgan edim. Endi esa O‘zbekiston Prezidenti Shavkat Mirziyoyev tashabbusi bilan o‘tkazilayotgan Afg‘oniston bo‘yicha yuqori darajadagi Toshkent xalqaro konferensiyasida ishtirok etish uchun keldim.
Qayd etish joizki, bu anjuman o‘zining salmog‘i jihatidan juda muhim. Vaholanki, unda bevosita dunyoning yirik davlatlari Rossiya, AQSh, Xitoy vakillari bitta stol atrofiga jamlanmoqda.
Eng muhimi, bu borada Afg‘onistonning ham pozitsiyasi aniq. Yurtda tinchlik o‘rnatish uchun afg‘on xalqining o‘zi tashabbus bilan chiqmoqda. Zero, hech qanday tashqi kuch Afg‘onistonda tinchlikni to‘liq ta’minlay olmaydi.
