Namangan viloyati Kosonsoy tumanidagi iqtisodiyot kasb-hunar kollejida tashkil etilgan mehnat yarmarkasida Namangan shahri hamda Kosonsoy tumanida faoliyat ko‘rsatayotgan 90 korxona va tashkilot 750 bo‘sh ish o‘rni bilan qatnashdi.
Viloyat bandlik bosh boshqarmasi tomonidan Namangan shahar va Kosonsoy tumani hokimliklari, davlat va jamoat tashkilotlari hamkorligida o‘tkazilgan tadbirda 80 nafar ishsiz fuqaro va kasb-hunar kolleji bitiruvchisiga ishga joylashish uchun yo‘llanma berildi.
Chet davlatlarda ishlash istagini bildirgan 61 kishi Tashqi mehnat migratsiyasi masalalari agentligi Namangan viloyati filiali tomonidan ro‘yxatga olindi.
Shuningdek, yarmarka ishtirokchilariga mehnat konunchiligi, ijtimoiy muhofazaga doir huquqiy maslahatlar berildi.
