13-yanvar kuni O‘zbekiston tashqi ishlar vaziri Baxtiyor Saidov Abu-Dabi shahrida BAA Bosh vaziri o‘rinbosari, ichki ishlar vaziri shayx Sayf bin Zoid Ol Nahayon bilan uchrashdi.
Mamlakatimiz TIV rahbari BAA hukumatining davlatlarimiz o‘rtasidagi hamkorlik kun tartibini ilgari surish yo‘lidagi doimiy ko‘magini qadrlashini ta’kidladi. Uchrashuvda hamkorlikning bir qancha muhim masalalari muhokama qilindi, aholi uchun eng qulay shart-sharoitlarni yaratishga alohida e’tibor qaratildi.
