O‘zbekiston yoshlar terma jamoasi Ozarbayjonning Boku shahrida boks bo‘yicha o‘tkazilgan «A.Agalarov Cup-2017» xalqaro turnirida ikkitadan oltin va kumush, uchta bronza medalni qo‘lga kiritdi.
Musobaqada Halim Utegenov va Jahongir Rahmonov birinchi o‘rinni egalladi. Sardor Kamolmirzayev va Javohir Tog‘aymurodov kumush medal bilan taqdirlandi. Navo Tamazov, Temur Otaboyev va Samandar Xolmurodov esa bronza medalga sazovor bo‘ldi.
O‘zbekiston terma jamoasi musobaqada umumjamoa hisobida ikkinchi o‘rinni egalladi.
